Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Иван Додосов


Иван Алексеевич Додосов (7 сентябрь 1989, Питрәч, Татарстан АССР) — Россия хәрби хезмәткәре, подполковник. Россия Федерациясе Герое (2022).

Тормыш юлы

Иван Алексеевич Додосов 1989 елның 7 сентябрендә Татарстан АССР Питрәч районының Питрәч авылында туган[1]. Ата-анасы — Алексей һәм Татьяна Додосовлар, кыз туганнары бар[2]. Балачактан хәрби булырга теләгән[3].

2006 елда Питрәчтәге аерым фәннәрне тирәнтен өйрәнә торган 1 нче урта гомуми белем бирү мәктәбен тәмамлый һәм Казан югары танк команда училищесына укырга керә, аны 2010 елда алтын медальгә тәмамлый[1]. Ростов өлкәсенең Новочеркасск шәһәрендәге 33744 нче хәрби частьта танк батальоны командиры булып хезмәт итә[1]. 2022 елның августыннан 2023 елның декабренә кадәр Россия Федерациясе Кораллы Көчләренең Гомуми гаскәр академиясендә укый, аны бик яхшы билгеләргә тәмамлый[4]. 2024 елда подполковник хәрби дәрәҗәсе бирелә[5].

2014 елда Кырымны кушу вакыйгаларында[2], 2022 елда Украинадагы хәрби хәрәкәтләрдә катнаша[6]. Рәсми мәгълүматлар буенча, Попасная тирәсендә «дошманның оборонасын өзүне тәэмин итә»: урманда юл ярып, урап узу маневры ясый, дошман тылына чыга һәм сан ягыннан өстенрәк булган танк ротасы белән сугышка керә, аның барышында дошманның 7-8 танкы юк ителә[7]. Бу хәрәкәтләр гаскәрләрнең Лисичанскка таба «алга китүен» һәм ЛХР территориясенең бер өлешен контрольгә алуны тәэмин итә[8][1]. Әлеге батырлыгы өчен Россия Федерациясе Герое исеменә лаек була[9].

Бүләкләре

  • «Россия Федерациясе Герое» югары исеме («Алтын Йолдыз» медале, 2022 ел). Россия Федерациясе Президентының 2022 елның 28 июлендәге «ябык» Указы белән майор И. А. Додосовка Россия Федерациясе Герое исеме бирелә. Медальне 10 августта РФ оборона министры армия генералы С. К. Шойгу тапшыра[4][8][10];
  • Батырлык ордены (2022);
  • «Чечен Республикасы буенча ЭЭМның Россия Герое А. А. Кадыйров исемендәге махсус билгеләнешле полкына 15 ел» медале (2022)[1];
  • «Хәрби хезмәттәге уңышлар өчен» медале (2017);
  • Суворов медале (2014);
  • «Кырымны кайтарган өчен» медале (2014);
  • «Җиңү көнендәге хәрби парадта катнашкан өчен» медале (2014);
  • «Питрәч районының мактаулы гражданы» исеме (2026 елның 26 марты)[11].

Шәхси тормышы

Өйләнгән, хатыны — Надежда, кызы — Анна[12][3][2].

Исемен мәңгеләштерү

  • 2022 елның 7 ноябрендә ул үзе тәмамлаган 1 нче номерлы Питрәч урта гомуми белем бирү мәктәбенә Иван Додосов исеме бирелә[13][14].
  • Питрәч районында Герой истәлегенә багышланган спорт ярышлары, аерым алганда, яшүсмерләр командалары арасында мини-футбол буенча турнир үткәрелә[15].

Искәрмәләр

  1. ↑ 1 2 3 4 5 Рустам Минниханов встретился с Героями Российской Федерации Раилем Габдрахмановым и Иваном Додосовым. Татарстан Республикасы Президенты (12 август 2022). Мөрәҗәгать итү датасы: 12 август 2022.
  2. ↑ 1 2 3 Елена Саляхова. Вернувшиеся из зоны СВО в Казань Герои России: «Это не подвиг, а наша работа». Татар-информ (11 август 2022). Мөрәҗәгать итү датасы: 12 август 2022.
  3. ↑ 1 2 Ия Кислицына, Ирек Хамидуллин. В Казань из зоны СВО вернулись два Героя России. «Татарстан» ДТРК (11 август 2022). Мөрәҗәгать итү датасы: 12 август 2022.
  4. ↑ 1 2 Додосов Иван Алексеевич. warheroes.ru (28 июль 2022). Мөрәҗәгать итү датасы: 5 май 2026.
  5. ↑ Новости за 15 июля 2024. pestrecy-rt.ru (15 июль 2024). Мөрәҗәгать итү датасы: 5 май 2026.
  6. ↑ Президент встретился с героями-танкистами. Газета «Республика Татарстан» (12 август 2022). Мөрәҗәгать итү датасы: 12 август 2022.
  7. ↑ Танковая дуэль: история подвига Героя России из Татарстана Ивана Додосова. Tatmedia. Мөрәҗәгать итү датасы: 5 май 2026.
  8. ↑ 1 2 Минниханов встретился с Героями России — участниками операции на Украине (рус.). РИА Новости (12 август 2022). Мөрәҗәгать итү датасы: 12 август 2022.
  9. ↑ Пестречинец Иван Додосов получил звание «Герой России». Газета «Алга» (11 август 2022). Мөрәҗәгать итү датасы: 12 август 2022.
  10. ↑ Минниханов встретился с двумя татарстанцами, получившими звание Героя России. Татар-информ (12 август 2022). Мөрәҗәгать итү датасы: 12 август 2022.
  11. ↑ О присвоении звания «Почетный гражданин Пестречинского муниципального района Республики Татарстан». Официальный портал Пестречинского муниципального района (26 март 2026). Мөрәҗәгать итү датасы: 5 май 2026.
  12. ↑ Мама героя России Ивана Додосова из Пестрецов рассказала о детстве сына. Pestrecy-RT. Мөрәҗәгать итү датасы: 5 май 2026.
  13. ↑ Постановление Исполнительного комитета о присвоении имени Героя России Ивана Алексеевича Додосова школе №1. Официальный портал Пестречинского муниципального района. Мөрәҗәгать итү датасы: 5 май 2026.
  14. ↑ Додосов Иван Алексеевич. Министерство труда, занятости и социальной защиты Республики Татарстан. Мөрәҗәгать итү датасы: 5 май 2026.
  15. ↑ В Пестрецах прошел турнир по мини-футболу на Кубок Героя России Ивана Додосова. Татар Информ (7 сентябрь 2025). Мөрәҗәгать итү датасы: 20 май 2026.

Тема буенча өстәмә

Төркемнәр