Ибәтуллин Рамил Рәхмәтулла улы
| Рамил Рәхмәтулла улы Ибәтуллин | |
|---|---|
 | |
| Туу датасы | 22 октябрь 1976 |
| Туу урыны | Багыш авылы, Апас районы, ТАССР, СССР |
| Ватандашлык |   |
| Гаскәр төре |  коры җир гаскәрләре |
| Хезмәт еллары | 1994 — хәзерге көнгә кадәр |
| Дәрәҗә |  генерал-лейтенант |
| Часть | 55 аерым мотоукчылар бригадасы; 90 гвардия танк дивизиясе; 2 гвардия гомумгаскәр армиясе |
| Җитәкчелек иткән | армия белән |
| Сугышлар/ бәрелешләр |
Украинадагы махсус хәрби операция |
| Бүләкләр һәм премияләр | Россия Федерациясе Герое (21.02.2025), .jpg){kind=small}     |
Рамил Рәхмәтулла улы Ибәтуллин (рус. Ибатуллин Рамиль Рахматуллович) (22.10.1976, ТАССР, Апас районы, Багыш авылы) — Россия хәрби җитәкчесе, гвардия генерал-лейтенанты (2024)[1], 2 гвардия гомумгаскәр армиясе командиры (2024). Россия Федерациясе Герое (2025)[2].
Тәрҗемәи хәле
1994 елда Чирмешән урта мәктәбен тәмамлый.
1994 елдан Россия Федерациясе Кораллы көчләре сафында. Казан югары танк командирлар училищесын тәмамлый, Россия Федерациясе Кораллы көчләренең М.В. Фрунзе исемендәге гомумхәрби академиясендә, Россия Федерациясе Кораллы көчләре Генераль штабының хәрби академиясендә белем ала[3].
Урал, Идел буе, Себер төбәкләрендә, шулай ук Россиянең Көньягында хезмәт итә. Взвод командирыннан армия командирына кадәр хезмәт юлы уза. 2018 елга кадәр Көньяк федераль округында Резерв командованиесе идарәсе башлыгы вазифасын башкара.
2018 елның гыйнварыннан — 55 аерым мотоукчылар бригадасы (Кызыл) командиры[4].
2021 елның июленнән — Үзәк хәрби округның 90 гвардия танк дивизиясе командиры (Чиләбе өлкәсенең Чибәркүл шәһәре)[5].
2022 елның июненнән — Үзәк хәрби округының 41 гомумгаскәр армиясе командующие урынбасары (Новосибирск).
2024 елдан — Үзәк хәрби округының 2 гвардия гомумгаскәр армиясе командующие (Самара шәһәре). Россиянең Украинадагы махсус хәрби операциясендә Россия гаскәрләренең оператив группировкаларының берсенә командалык итә.
Россия Федерациясе Президентының 2025 елның 21 февралендәге Указы нигезендә гвардия генерал-лейтенанты Ибәтуллин Рамил Рәхмәтулла улына Россия Федерациясе Герое исеме бирелә һәм «Алтын Йолдыз» медале тапшырыла.
Генерал-майор (7.12.2022)[6], генерал-лейтенант (9.12.2024).
Санкцияләр
90 гвардия танк дивизиясе командиры буларак, Украинадагы махсус хәрби операция башыннан ук хәрби хәрәкәтләрдә катнаша. Бөекбритания хакимияте Рамил Ибатуллинга каршы 2022 елның 9 декабрьдә санкцияләр кертә[6].
Гаиләсе
Гаиләсе Самара шәһәрендә яши[7].
Дәүләт бүләкләре
- Россия Федерациясе Герое (21.02.2025).
- Батырлык ордены.
- II дәрәҗә «Ватан алдындагы казанышлар өчен» орден медале.
- Суворов медале.
- Россия Оборона министрлыгының ведомство бүләкләре.
Искәрмәләр
- ↑ Путин присвоил звание генерал-лейтенанта уроженцу Апастовского района Татарстана. www.m.business-gazeta.ru (9 декабрь 2024). Мөрәҗәгать итү датасы: 23 февраль 2025.
- ↑ Путин присвоил звание Героя России генерал-лейтенанту из Апастовского района Татарстана. www.m.business-gazeta.ru (22 февраль 2025). Мөрәҗәгать итү датасы: 23 февраль 2025.
- ↑ Рамиль Ибатуллин удостоен высокого воинского звания. // Апастово-информ, дата обращения: 23.02.2025.
- ↑ У 55-й мотострелковой бригады в Туве новый командир. // Tuvaonlain, дата обращения: 23.02.2025.
- ↑ Танковую дивизию в Челябинской области возглавил новый командир. // «Челябинсксегодня», дата обращения: 23.02.2025.
- ↑ 1 2 Путин Татарстанның Апас районында туган Рамил Ибәтуллинга генерал-майор дәрәҗәсен бирде. www.tatar-inform.tatar (18 декабрь 2022). Мөрәҗәгать итү датасы: 23 февраль 2025.
- ↑ Ибатуллин генерал майор? www.vrzk.ru. Мөрәҗәгать итү датасы: 23 февраль 2025.