Алабуга дәүләт педагогика университеты

Алабуга дәүләт педагогика университеты (2011 елдан КФУ Алабуга институты (филиал)) — Алабугада 1952 елдан институт буларак эшләп килгән педагогик юнәлешле югары уку йорты.

Төп мәкалә: Алабуга епархия хатын-кызлар училищесы

1903-1918 елларда — Алабуга епархия хатын-кызлар училищесы, 1930нчы елларда — педучилище, 1928 елдан — педтехникум, 1939 елда — укытучылар институты, 1952 елның 19 августыннан Алабуга дәүләт педагогика институты булып оеша. 150 студент белем ала торган ике факультетлы институт буларак эшли башлый. Аның экспонатларга бай музей материаллары шул хакта дәлилле һәм образлы итеп сөйли.

АДПУ бүгенге көндә Татарстан, Русиянең алдынгы югары уку йортлары рәтендә тора. Алты факультетта студентлар белем ала. Институт үз диварларыннан 25 меңләп укытучы әзерләп чыгарган. Алар арасында 15 РСФСР, 40 тан артык Татарстанның атказанган укытучысы, 200 гә якын Русиянең Мәгариф отличнигы бар.

Бүгенге көндә АДПУга 10 факультет, 20 кафедра, фәнни китапханә, 7 музей, агробиология станциясе, 20ләп лаборатория, спорткомплекс, 5 уку-укыту бинасы, 3 тулай торак керә. Укытучылар саны - 250.

2011 елның 2 февралендә уку йорты Казан (Идел буе) федераль университетына филиал итеп кушылган.

1953-1960 Габделхак Гали улы Әминев
1960-1966 Клавдия Петр кызы Тиунова-Петрова
1966-1971 Евгений Яков улы Тихонов
1971-1986 Тәлгать Нәби улы Галиуллин
1986-1989 Җәмил Газиз улы Нигъмәтов
1989-2000 Наип Хәбибназар улы Лаисов
2000-2007 Наил Мансур улы Вәлиев
2008-2011 Айрат Миңнемансур улы Кәлимуллин
2011-2025 Елена Ефим кызы Мерзон^[1].
2025 ел — Марат Умаров^[2].

Моны да карагыз: Төркем:Алабуга дәүләт педагогия институтын тәмамлаучылар

Леонид Арсланов - КФУ АИ профессоры (филфак).
Сания Исмәгыйлева - КФУ АИ профессоры (филфак).
Наип Лаисов - КФУ АИ профессоры (филфак).
Леонид Барышев - майонез бизнесын, «Эссен» кибетләр челтәрен булдыручы (техфак).
Әлфинә Сибгатуллина, филология фәннәре докторы, профессор (филфак).
Рина Зарипова, журналист, ТРның атказанган мәдәният хезмәткәре (филфак).
Марсель Вәлитов (1937), фән докторы (1991), профессор, «Профсоюзы и экономика» журналы баш мөхәррире, РФ атказанган мәдәният хезмәткәре (2005).
Наилә Вәлитова - матур әдәбият тәрҗемәчесе, язучы. Татарстан язучылар берлеге әгъзасы (1989 елдан).
Лениза Вәлиева - шагыйрә, прозаик, драматург, телләр белгече, тел белеме фәне юнәлешендә гыйльми тикшеренүләр алып баручы. Татарстан язучылар берлеге әгъзасы (2014 елдан), Саҗидә Сөләйманова премиясе лауреаты (2016).
Ләйсән Гатауллина - Камал театры артисты (2021 елдан), «Тантана» премиясе лауреаты (2020).