Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

VK Fest

VK Fest (элек «ВКонта́кте» фестивале) — 2015 елдан башлап ел саен үткәрелә торган музыкаль-күңел ачу фестивале[1]. Оештыручылар — «ВК» һәм «Радио Рекорд» ширкәтләре. Фестиваль — музыка, технологияләр, спорт, интернет, фән һәм мода өлкәләрен берләштергән комплекслы чара. Аның программасына артистлар чыгышлары, инфлюенсерлар белән очрашу урыннары, спорт һәм уен мәйданчыклары, лекторийлар һәм бренд-зоналар керә[2].

2026 елда VK Fest Казанда («Казан» гаилә үзәге янында), Санкт-Петербургта (300 еллык паркында), Түбән Новгородта (Стрелкада) һәм Мәскәүдә ВДНХда уза.

Тарихы

«ВКонтакте» хезмәткәрләрендә фестивальне оештыру идеясе 2012 елда туа. Оештыручылар фестивальнең түбәндәге төп принципларын билгелиләр: сәламәт яшәү рәвешен популярлаштыру, экологик җаваплылык һәм берләшмәләрне үстерү[3]. Проектны гамәлгә ашыру өчен күләмле чаралар үткәрү тәҗрибәсе булган партнёр — Радио Рекорд  [рус.] (тат. җәлеп ителә[4].

Беренче чара 2015 елның 18-19 июлендә Санкт-Петербургның 300 еллыгы паркында уза. Аның форматы социаль челтәрнең төп юнәлешләрен — музыкаль программаны, блогерлар белән очрашуларны һәм тематик бергәлекләрнең активлыкларын берләштерә. Оештыручыларның мәгълүматлары буенча, әлеге чарада 100 меңгә якын кеше катнаша.

2016—2019 елларда фестиваль Санкт-Петербургның 300 еллыгы паркында уздырыла[5]. 2016 елда катнашучылар саны 50 мең булса, 2019 елда бу күрсәткеч 95 меңгә кадәр арта. 2019 елда онлайн-трансляция тамашачылары саны 6 миллионга җитә[6][7].

Соңрак программага яңа юнәлешләр өстәлә: косплей һәм компьютер уеннары мәйданчыклары, блогерлар белән очрашулар, лекторий, спорт мәйданчыклары һәм киберспорт турнирлары. Фестиваль сәхнәләрендә ел саен төрле музыкаль жанрлардагы дистәләгән башкаручы чыгыш ясый[8].

undefined

2020 һәм 2021 елларда, COVID-19 пандемиясе сәбәпле, «VK Fest» фестивале онлайн форматка күчерелә[9]. Мәсәлән, 2020 елда фестиваль 15-21 май көннәрендә уздырыла һәм һәр көнне төрле виртуаль чаралар оештырыла[10].

Яңа мәйданчыклар һәм фестивальнең үсеше

2022 елдан башлап «VK Fest» берничә шәһәрне үз эченә алган яңа форматка күчә[11]. Беренче тапкыр чара бер үк вакытта Санкт-Петербург, Мәскәү һәм Сириуста уза. Фестивальдә 175 мең офлайн кунак һәм 23 миллион онлайн тамашачыны җыя[12].

undefined

2023 елда чараның географиясе биш шәһәргә кадәр киңәйтелә (программагa Владивосток һәм Новосибирск кертелә), катнашучылар саны 200 меңгә җитә, трансляцияләрне 34 миллион кеше карый[13].

2024 елда «VK Fest» Уфа, Красноярск, Сириус, Санкт-Петербург һәм Мәскәүдә уза. Офлайн кунаклар саны 205 мең кеше тәшкил итә; фестиваль чыгыш ясаган артистлар (277) һәм күңел ачу чаралары (161) саны буенча Россия рекордлар китабына кертелә[14].

2025 елда шәһәрләр исемлегенә Чиләбе һәм Казан өстәлә. Фестиваль 14-20 июль көннәрендә уза[15][16]. «VK Fest 2025» мәйданчыкларында 295 башкаручы һәм музыкаль коллектив чыгыш ясап, артистлар саны буенча Россия рекордлар китабында яңа рекорд куя.

2025 елда Казанда узган «VK Fest» фестивале фотосурәтләре

«Три дня дождя» төркеме солисты Глеб Викторов чыгышы
Казанда «VK Fest» фестивале
Бастаның чыгышы

2026 елның 7 июнендә фестиваль Казанда, «Казан» гаилә үзәге янында үткәреләVK Fest 2026 в Казани: когда пройдёт, сколько стоят билеты и кто выступит [рус.]. Аргументы и факты — Казань (20 апрель 2026). Мөрәҗәгать итү датасы: 3 июнь 2026..

Фестивальнең форматы

Фестивальнең нигезен берничә музыка сәхнәсе тәшкил итә. Төрле елларда аларның саны һәм атамалары үзгәреп тора. Төп сәхнәләр булып «Зәңгәр» (хедлайнерлар һәм популяр башкаручылар), «Ак» (альтернатив музыка, рэп) һәм «Шәмәхә» (яшь артистлар) кала[17]. 2025 елда «VK Fest» чарасында «Кара сәхнә» (электрон музыка) барлыкка килә: башта ул Санкт-Петербургта оештырыла, аннары беренче тапкыр Мәскәүдә тәкъдим ителә.

undefined

«VK Fest» фестивалендә тематик мәйданчыклар эшли. Алар арасында — «Инфлюенсерлар зонасы». Биредә кунаклар блогерлар һәм танылган шәхесләр белән очраша, автограф-сессияләрдә, фотосессияләрдә һәм интерактив чараларда катнаша ала. Шулай ук «Белем. Лекторий» мәйданчыгы да эшли. Бу — фән, спорт, мода, мәдәният һәм технологияләр өлкәсендәге экспертлар белән лекцияләр һәм дискуссияләр үткәрү урыны: монда спикерлар докладлар белән чыгыш ясый һәм аудитория сорауларына җавап бирә.

«Спорт зонасы»на профессиональ спортчыларның күнегүләре, остаханәләр һәм тамашачылар катнашындагы ярышлар керә. «Технологияләр зонасы»нда яңа эшләнмәләр тәкъдим ителә, интеллектуаль уеннар, квестлар һәм тәҗрибәләр үткәрелә. «Уеннар зонасы» төрле яшьтәге кунакларга киберспорт турнирларын, видеоуеннар күрсәтүне, уен прототипларының play-тестларын һәм башка чараларны тәкъдим итә.

Аудитория һәм чарада катнашу кагыйдәләре

Фестиваль күбрәк яшьләр аудиториясенә исәпләнгән, әмма чарада барлык яшьтәге тамашачылар катнаша ала. Аның мәйданында спиртлы эчемлекләр куллану тыела. Чарага керү билетлар буенча гына гамәлгә ашырыла. 2025 елда билет бәяләре, шәһәргә һәм категориягә бәйле рәвештә, 800 сумнан 26 000 сумга кадәр була. Шулай ук сәхнә яхшырак күренгән махсус зонага керү хокукын бирә торган һәм өстәмә уңайлыклары булган VIP билетлар да бар. Билетларны «VK Fest» фестиваленең рәсми сайтында һәм билет сату буенча рәсми партнерлар аша сатып алырга мөмкин.

Чара уза торган шәһәрләр

2022 елга кадәр фестиваль Санкт-Петербургта уза. 2022 елдан чараның географиясе киңәя:

  • 2022 — Санкт-Петербург, Мәскәү, Сириус;
  • 2023 — Санкт-Петербург, Мәскәү, Сириус, Владивосток, Новосибирск;
  • 2024 — Уфа, Красноярск, Сириус, Санкт-Петербург, Мәскәү;
  • 2025 — Мәскәү, Санкт-Петербург, Сириус, Казан, Чиләбе;
  • 2026 — Казан, Санкт-Петербург, Түбән Новгород, Мәскәү (ВДНХ).

Катнашучылар саны һәм онлайн-аудитория

    • 2015 — якынча 100 мең офлайн катнашучы;
    • 2019 — 95 мең офлайн катнашучы, 6 миллион онлайн тамашачы;
    • 2022 — 175 мең офлайн катнашучы (барлык шәһәрләр буенча), 23 миллион онлайн тамашачы;
    • 2023 — 200 мең офлайн катнашучы (барлык шәһәрләр буенча), 34 миллион онлайн тамашачы;
    • 2024 — 205 мең офлайн катнашучы (барлык шәһәрләр буенча), 22,5 миллион онлайн тамашачы;
    • 2025 — 205 мең офлайн катнашучы (барлык шәһәрләр буенча), 30 миллион онлайн тамашачы.

Рекордлар

  • 2024 — «VK Fest» Россия рекордлар китабына кертелә:
    • 277 чыгыш ясаучы артистлар;
    • 161 күңел ачу чаралары.
  • 2025 — чыгыш ясаучы артистлар саны буенча Россиянең яңа рекорды куела: 295 башкаручы һәм музыкаль коллектив. Рекорд теркәлә. 2025 елның 20 июлендә Мәскәүдә Россия рекордлар китабына нигез салучы һәм аның баш редакторы Станислав Коненко тарафыннан сертификат тапшырыла.

Искәрмәләр

  1. ↑ ВДНХ впервые станет площадкой для VK Fest. РБК (2 апрель 2026). Мөрәҗәгать итү датасы: 3 апрель 2026.
  2. ↑ VK Fest (рус.). vkfest.ru. Мөрәҗәгать итү датасы: 1 июнь 2026.
  3. ↑ Команда VK Fest: «Мы первыми в мире сделали фестиваль всего». Sobaka.ru. Мөрәҗәгать итү датасы: 21 май 2025.
  4. ↑ Команда VK Fest: «Мы первыми в мире сделали фестиваль всего». Sobaka.ru. Мөрәҗәгать итү датасы: 21 май 2025.
  5. ↑ Итоги VK Fest 2016. VK: VK Fest. Мөрәҗәгать итү датасы: 21 май 2025.
  6. ↑ Аудитория VK Fest 2017 составила свыше 1,5 миллионов человек. VK. Мөрәҗәгать итү датасы: 21 май 2025.
  7. ↑ Зачем создавался VK Fest и чем фестиваль удивит в 2019 году? Янгспейс. Мөрәҗәгать итү датасы: 21 май 2025.
  8. ↑ ВКонтакте и Рекорд сделали первый в истории Фестиваль ВКонтакте! Смотрите, как это было! VK: VK Fest. Мөрәҗәгать итү датасы: 21 май 2025.
  9. ↑ ВКонтакте впервые проведёт VK Fest в онлайне (2020-04-24). 1 июнь 2026 тикшерелде.
  10. ↑ Фестиваль VK fest 2025. Rhytm. Мөрәҗәгать итү датасы: 21 май 2025.
  11. ↑ Главный open-air этого лета VK Fest прошёл одновременно в трёх городах России и собрал рекордные 175 тысяч человек. Блог ВКонтакте. Мөрәҗәгать итү датасы: 21 май 2025.
  12. ↑ VK Fest 2022 собрал 175 тысяч человек (рус.). Блог ВКонтакте (2022). Мөрәҗәгать итү датасы: 1 июнь 2026.
  13. ↑ От Басты до Инстасамки: как прошел VK Fest 2023 (рус.). Kino.mail.ru (2023). Мөрәҗәгать итү датасы: 1 июнь 2026.
  14. ↑ VK Fest посетили рекордные 205 тыс. человек (рус.). ТАСС (2024). Мөрәҗәгать итү датасы: 1 июнь 2026.
  15. ↑ VK Fest 2025 объявляет первую волну артистов (рус.). Блог ВКонтакте (2025). Мөрәҗәгать итү датасы: 1 июнь 2026.
  16. ↑ Три дня дождя, Баста, Лолита, ANNA ASTI: VK Fest 2025 объявляет первую волну артистов. Блог ВКонтакте. Мөрәҗәгать итү датасы: 21 май 2025.
  17. ↑ Как менялся VK Fest за 11 лет и что ждет зрителей в 2026 году [неопр.]. spbdnevnik.ru (27 май 2026). Мөрәҗәгать итү датасы: 1 июнь 2026.

Сылтамалар

Тема буенча өстәмә

Төркемнәр