Рус телендәге версияПартнёрлык проектларыМахсус проектлар
Телне алыштыру
РУВИКИ ТУРЫНДА

Раил Сәлахетдинов

РУВИКИ проектының татар бүлегендә Сәлахетдинов фамилияле башка кешеләр турында да мәкаләләр бар

Раил Ринат улы Сәлахетдинов (рус. Раиль Ринатович Салахутдинов; 1999 елның 30 июле, Чиләбе өлкәсе, Россия Федерациясе) — спортчы (көрәшче). Россия спорт остасы. Дөнья чемпионы.

Тәрҗемәи хәле

Чиләбе өлкәсендә туа, Киров өлкәсенең Нократ Аланы шәһәрендә яши.

Нократ Аланының 5 нче урта гомуми белем бирү мәктәбендә укый.

Казан дәүләт аграр университетына укырга керә. Уку дәверендә көрәш белән шөгыльләнә. Тренерлары — Илсур Нәҗмиев һәм Җәүдәт Хөсәенов[1].

Көрәштә җиңүләре

2018 елда Казанда узган Татарстан чемпионатында II урын.

2019 елда Киров өлкәсе Нократ Аланы районының Иске Пенәгәр авылы Сабан туе батыры[2].

2020 елның 17-19 март көннәрендә Татарстан Республикасы Спорт министрлыгы, Көрәш федерациясе, «Социалистик Татарстан» газеты белән берлектә герой-шагыйрь Муса Җәлил исемендәге бүләгенә үткәрелгән ярышта чемпион кала[3].

2021 елның, июне — Кукмара районы Сабан туенда I урын[4].

2022 елда көрәшче Саба районының Миңгәр авылы Сабан туенда уздырылган Дөнья чемпионатында җиңү яулый[5].

2023 елда билбау көрәше буенча Россия чемпионатында җиңүче[6].

2023 елның 18 гыйнварында Казан дәүләт аграр университетында уку йортларында укучы студентлар арасында узган көрәш буенча бәйгедә I урынны ала[7].

Бүләкләре һәм мактаулы исемнәре

Россия спорт остасы.

Көрәш буенча ике тапкыр дөнья чемпионы[8].

Искәрмәләр

  1. ↑ Энҗе Габдуллина. Көрәшче Раил Сәлахетдинов: «Кычкырмасам, көрәшә алмыйм». intertat.tatar (13 декабрь 2021).
  2. ↑ Шәмсия Хәлимова. Иске Пенәгәр сабантуе яңгырдан курыкмый. Бөтендөнья татар конгрессы (22 август 2019).
  3. ↑ Раил – чемпион! «Дуслык» Киров өлкәсе атналык газеты (3 апрель 2022).
  4. ↑ Кукмара районында быелгы Сабантуй батырларының исемнәре билгеле. Кукмара муниципаль районы (18 июнь 2021).
  5. ↑ Көрәш буенча дөнья чемпионаты җиңүчеләре билгеле. Шәһри Казан (26 июнь 2022).
  6. ↑ Салават Хасанов. «Когда побеждаешь здесь, как будто мировой турнир выиграл!»: как прошел чемпионат России по корэш. news.myseldon (2 май 2023).
  7. ↑ Энҗе Габдуллина. Уку йортлары арасында көрәш турниры җиңүчеләре билгеле. tatar-inform.tatar (18 гыйнвар 2023).
  8. ↑ Раиль, чемпион, Раиль, чемпион!!! «Дуслык» Киров өлкәсе атналык газеты (29 июнь 2023).

Тема буенча өстәмә

Төркемнәр