Рус телендәге версияПартнёрлык проектларыМахсус проектлар
Күренешне көйләүТелне алыштыруМәгълүмат
РУВИКИ ТУРЫНДА

Динар Кәримуллин

РУВИКИ проектының татар бүлегендә Кәримуллин фамилияле башка кешеләр турында да мәкаләләр бар

Динар Ирек улы Кәримуллин (рус. Динар Ирекович Каримуллин;1996, Теләче районы, Татарстан Республикасы яисә Олы Мәтәскә, Татарстан Республикасы) — спортчы (көрәшче), көрәш буенча балалар тренеры. Көрәш һәм билбаулы көрәш буенча Халыкара класслы спорт остасы[1]. Россиянең спорт остасы.

undefined

Тәрҗемәи хәле

Теләче районының Олы Мәтәскә авылында туа, Лаеш шәһәрендә яши.

Мәктәптә уку дәверендә көрәш түгәрәгенә йөри.

« Ә беренче ярышым Теләченең үзендә узды. Әле дә бик яхшы хәтерлим: икенче урын алдым мин анда. Ул чакта тренерымның сөенүен күрсәң! Ә мин кечкенә бит – көрәшкәндә алдым да салдым, алдым да салдым, нәрсә эшләгәнемне аңлап та бетермәгәнмендер, –
дип искә ала батыр.[2]
 »

Көрәшче мәктәпне тәмамлагач, Идел буе дәүләт физик культура, спорт һәм туризм университетына укырга керә.

2024 елда Россия, Дөнья чемпионатларында, Казанда узган БРИКС илләре уеннарында катнаша, җиңү яулый[3].

2024 елның 26-27 октябрь көннәрендә Төркиянең Анталья шәһәрендә билбаулы көрәш буенча остаханәләр һәм халыкара ярышлар уза. Чарада спорт остасы остаханәләр үткәрә[4].

Хезмәт юлы

Лаеш районы спорт мәктәбендә балалар тренеры-укытучы булып эшли[5].

Россия җыелма командасының өлкән тренеры вазифасын башкара[6].

Көрәштә җиңүләре

2017 ел

11 февраль — «Социалистик Татарстан» газетының герой-шагыйрь Муса Җәлил исемендәге бүләгенә үткәрелгән ярышларда III урын.

18 мартта Көрәш буенча Татарстан Республикасы югары уку йортлары спартакиадасында I урын ала.

1 апрельдә Түбән Кама шәһәренең «Шинник» спорт үзәгендә Татарстан Республикасы чемпионы, атказанган спорт остасы Данил Галиев истәлегенә милли көрәш буенча уздырылган XXIV республика турнирында II урынга ия була.

8 апрельдә Теләче авылының «Батыр» спорт үзәгендә Татарстан Республикасы атказанган спорт остасы Наил Хәмидуллин истәлегенә көрәш буенча оештырылган бәйгедә I урын яулый.

18-21 апрель көннәрендә билбаулы көрәш буенча Россия кубогына үткәрелгән ярышта I урын ала.

8-11 июнендә билбаулы көрәш буенча Карачай-Чиркәс Республикасының Чиркәс шәһәрендә узган Россия чемпионатында II урын.

11-16 август — Сембер шәһәрендә узган Бәйсез Дәүләтләр Берлегенә кергән дәүләтләрнең милли спорт төрләре фестивале һәм уеннарында билбаулы көрәш бәйгесендә I урын.

1 октябрьдә Казанда «Буревестник» яшьләр физик тәрбия һәм спорт җәмгыятендә узган Татарстан Республикасы югары уку йортлары спартакиадасының билбаулы көрәш бәйгесендә I урын ала.

2018, 2019, 2020 елларда Дөнья чемпионатында җиңү яулый[7].

2019 ел

Казан кубогына шәхси-команда чемпионатында I урын[8].

1-2 февральдә Зәй шәһәренең «Яшьлек» боз сараенда Ринат Фәрдиев истәлегенә көрәш буенча узган Бөтенроссия ярышларында II урын[9].

2021 елда Татарстан Республикасы Көрәш федерациясе кубогына Казанның «Ак Барс» көрәш сараенда узган бәйгедә катнаша, чемпион була[10].

2022 ел

2022 елда Казанда узган билбау көрәше буенча Дөнья кубогы турнирында I урын[11].

15 гыйнвар — Казанның «Ак Барс» көрәш сараенда «Манзара-2022» спорт-музыка премиясендә I урын[12].

3-6 ноябрьдә Казанда узган билбаулы көрәш буенча дөнья чемпионатында алтын медаль иясе[13].

2023 ел

2023 елның 28-30 апрелендә Казанның «Ак Барс» көрәш сараенда узган билбау көрәше буенча Россия чемпионатында I урын ала[14].

24 июньдә Саба районының Миңгәр авылы Сабан туенда уздырылган Дөнья чемпионатында җиңүче, 75 кг үлчәү авырлыгында I урынга ия була[15].

Казанда узган көрәш буенча Татарстан чемпионатында I урын ала, Татарстан чемпионы[16].

2023 елда билбау көрәше буенча Россия чемпионатында җиңү яулый[17].

2024 ел

БРИКС илләре уеннары-2024 тә җиңү яулый.

« Бу ярышларга егетләр белән ел буе әзерләндек. Шөкер, нәтиҗәсе булды. Көндәшләр бик көчле булуына карамастан, үз дигәнемә ирештем – җиңдем. Финалда бил алышу авыррак иде. Чөнки төрле ил егетләре төрлечә көрәшә, аларның алымнары үзенчәлекле. Ияләшергә, һәркайсының җаен табарга кирәк. БРИКС уеннарында үзебезнең көрәшне тәкъдим итү – сөенеч һәм җаваплылык. Көрәш тагын бер баскычка күтәрелде дип саныйм, —
дип уртаклашты көрәшче[18].
 »

Күчмә халыкларның бөтендөнья уеннарында көмеш медальгә ия була[19].

Бүләкләре һәм мактаулы исемнәре

Искәрмәләр

  1. ↑ 1 2 Нина Рыкова. «Алтын Билбау» премиясе: Идел буе университетын тәмамлаучы — җиңүчеләр рәтендә. ПГУФКСиП рәсми сайты (29 октябрь 2024).
  2. ↑ Лилия Гыймазова. Көрәшче Динар Кәримуллин: Келәмдәге көндәшең синең дустың була алмый. Бөтендөнья татар конгрессы (22 гыйнвар 2022).
  3. ↑ Борец корэш получил титул «Спортсмена года» из рук министра спорта России в Московском кремле. Россия көрәш федерациясе (9 октябрь 2022).
  4. ↑ Международные соревнования по корэш в Турции. Россия көрәш федерациясе (28 октябрь 2024).
  5. ↑ Каримуллин Динар Ирекович. Лаеш муниципаль районы спорт мәктәбе.
  6. ↑ Белгечләр. Татарстан Республикасы Көрәш федерациясе.
  7. ↑ Руслан Васильев. Как борцу корэш вручали премию «Спортсмен года» и почему его называют татарским Макгрегором. Бизнес Online (15 октябрь 2024).
  8. ↑ ТР башкаласында көрәш буенча Казан кубогына шәхси-команда чемпионаты җиңүчеләрен билгеләделәр. Казан Мэриясе (15 апрель 2024).
  9. ↑ Зәйдә Ринат Фәрдиев истәлегенә көрәш буенча Бөтенроссия ярышлары узды. Татарстан Республикасы муниципаль берәмлекләре порталы (3 февраль 2019).
  10. ↑ Альметьевский район стал победителем в соревнованиях на Кубок Федерации корэш РТ. Федерация корэш Республики Татарстан (18 декабрь 2021).
  11. ↑ Лаеш спортчылары Дөнья кубогында катнаштылар. Лаеш муниципаль районы (7 октябрь 2022).
  12. ↑ «Манзара-2022» спорт-музыка премиясенең абсолют җиңүчесе билгеле булды. Татарстан Республикасы Спорт министрлыгы (15 гыйнвар 2022).
  13. ↑ Татарстанцы завоевали 6 золотых медалей на Кубке мира по борьбе на поясах. news.myseldon (6 ноябрь 2022).
  14. ↑ Определились победители и призеры чемпионата России по поясной борьбе корэш. Министерство спорта Республики Татарстан (30 апрель 2023).
  15. ↑ Энҗе Габдуллина. Татарстан көрәшчеләре Дөнья чемпионы булды. news.myseldon (25 октябрь 2023).
  16. ↑ Энҗе Габдуллина. Стали известны чемпионы Татарстана по борьбе корэш. news.myseldon (26 июнь 2023).
  17. ↑ Салават Хасанов. «Когда побеждаешь здесь, как будто мировой турнир выиграл!»: как прошел чемпионат России по корэш. news.myseldon (2 май 2023).
  18. ↑ БРИКС уеннарында җиңгән Динар Кәримуллин: «Көрәш тагын бер баскычка күтәрелде». Ватаным Татарстан (21 июнь 2024).
  19. ↑ Лаишевские спортсмены взяли золото и серебро на Всемирных играх кочевников. Камская новь (13 сентябрь 2024).
  20. ↑ 1 2 Ильшат Вагизов. В Мензелинске в торжественной обстановке открылся турнир имени Мусы Джалиля. Мензеля-информ (12 февраль 2021).
  21. ↑ О награждении медалью «100 лет образования Татарской Автономной Советской Социалистической Республики» (рус.). rais.tatarstan.ru (21 июнь 2024). Мөрәҗәгать итү датасы: 1 сентябрь 2026.

Сылтамалар

Тема буенча өстәмә

Төркемнәр