Фидаил Шакиров

Балтач районының Борбаш авылында туа.

Милли көрәш белән үз авылы мәктәбендә Васыйл Гарифуллин җитәкләгән көрәш секциясендә шөгыльләнә. Мәктәпне тәмамлагач, Борбаш урта мәктәбендә физкультура укытучысы булып эшли^[1].

Н.Э. Бауман исемендәге Казан дәүләт ветеринария медицинасы академиясенә укырга керә. Уку дәверендә милли көрәш һәм классик көрәш белән шөгыльләнә. Тренеры — Мәгас Сәхәбетдинов. Диплом алгач, Актаныш районының «Октябрь» колхозында баш зоотехник булып эшли^[1].

2005 елның 8 сентябрендә вафат була, туган авылы зиратында җирләнә.

1972, 1973 — Россия чемпионы.

1972, 1974, 1975, 1976, 1977 — Татарстан чемпионы.

1972 — Балтач районы Сабан туеның баш батыры.

1973, 1974 — Казанның Ленин районы (хәзерге Яңа Савин һәм Авиатөзелеш районнары җирлеге) Сабан туеның баш батыры.

1973, 1974, 1975, 1977, 1978, 1979 — герой-шагыйрь Муса Җәлил исемендәге бүләккә үткәрелгән ярышларда җиңүче.

1973, 1977 — Киров өлкәсенең Малмыж районы Сабан туеның баш батыры.

1978, 1979 — Казанның Идел буе Сабан туеның баш батыры.

1998 — Татарстанның атказанган спорт остасы.

Көрәшче истәлегенә туган ягында ел саен татарча көрәш буенча ярышлар уздырыла.