Биектау

Село
Биектау
55°54′52″ с. ш. 49°18′25″ в. д.
Ил	Россия
Муниципаль район	Биектау районы
Тарих һәм география
Мәркәз биеклеге	130 метр
Климат төре	dfb — дымлы континенталь
Халык саны
Халык саны	9589 кеше
Санлы идентификатор
Почта индекслары	422701
Автомобиль коды	16, 116
Биектау

Биектау рус. Высокая Гора — Татарстан Республикасының Биектау районындагы авыл.

Халык саны — 9589 тирәсендә (2010). Вакыт зонасы — MSK (Мәскәү вакыты) яки UTC+3. Почта индексы — 422701.

География

Биектау тимер юл станциясеннән 2 км көньяктарак, Казан—Пермь автомобиль юлы буенда.

Климат

Тәүлек буена һаваның уртача температурасы
Гый	Фев	Мар	Апр	Май	Июн	Июл	Авг	Сен	Окт	Ноя	Дек	Ел
-10.8 °C	-10.8 °C	-5.7 °C	4.6 °C	13.5 °C	18.4 °C	20.4 °C	17.8 °C	12.2 °C	4.5 °C	-4.6 °C	-10 °C	4.1 °C

Климат уртача континенталь. Кёппен-Гейгер климатлар классификациясе буенча климатның коды: Dfb. Уртача еллык һава температурасы 4.1 °C.

Тарих

XVI гасырда 2 нче яртысында Казан ханлыгы чорындагы Байгыш авылы урынында нигез салына.

Революциягә кадәрге чыганакларда Рождественский исеме белән дә билгеле. Халкы башта Казан Дөньядан күчү Елантавы монастырена карый, 1764 тә экономик разрядка күчерелә, соңрак дәүләт крәстияннәре катлавына керә; игенчелек һәм терлек үрчетүдән тыш, умартачылык, тимерчелек, пыяла кую, итек тегү, киез итек басу белән шөгыльләнә. 20 йөз башында волость идарәсе урнаша, этап йорты була. Раштуа-Богородица чиркәве (1881-86 да төзелә; архитектура истәлеге), земство мәктәбе (1870 тә ачыла), җил тегермәне, 8 тимерчелек, сыраханә, 1 шәраб һәм 8 бакалея кибете эшли. Бу чорда авыл җәмәгатенең имана җире 2084,2 дисәтинә тәшкил итә.

1920 елга кадәр Казан губернасының Казан өязе Сабакай волостена керә. 1920дән - ТАССРның Арча кантонында. 1930 елның 10 августыннан - Казан авыл районында, 1935 нең 10 февраленнән Биектау районында. 1963 нең 1 февраленнән - Питрәч районында, 1965 нең 12 гыйнварыннан - яңадан Биектау районында.

Демография

Халык саны
1646	1859	1897	1908	1920	1926	1938	1949	1958	1970	1989	2002	2010
142	979	950	1043	1032	1227	1219	1025	1154	1728	6446	7768	9589

Төп милләтләр (1989 елгы җанисәп буенча): руслар — 53%, татарлар — 43%.

Икътисад

Халкының төп шөгыле - кырчылык, терлекчелек. «Казан авыл хуҗалыгы техникасы», «Биектау машина-трактор станциясе» акционерлык җәмгыятьләре.

Шәхесләр

• Ләйсән Закирова (Большова, 1998), драма актрисасы, Кариев театры артисты (2018 елдан), «Тантана» премиясе лауреаты (2019).

Искәрмәләр

Чыганаклар

• Татарская энциклопедия, Институт Татарской энциклопедии (ИТЭ) Академии наук РТ.
• http://tatarile.org/maglumat/%D0%BC%D3%99%D0%BA%D0%B0%D0%BB%D3%99/%D0%B1%D0%B8%D0%B5%D0%BA%D1%82%D0%B0%D1%83-3(үле сылтама)