Денискино

Авыл район үзәге Шонталы станциясеннән төньяк-көнчыгышка таба якынча 9 километр ераклыкта урнашкан (туры сызык буенча).

Татарлар авыл җирлеге территориясенә XVII йөз ахырында – XVIII йөз башында урнаша башлыйлар. Яңа Кама аръягы саклану сызыгы төзелү белән бәйле рәвештә күчеп килүчеләр агымы 1730 елларда көчәя. Бу чорда Денискино авылына нигез салына.^[2] Рәсми рәвештә 1850 елдан бирле телгә алына.^[3]

1917 елга авылда 1000нән артык хуҗалык, дүрт мәчет һәм мәдрәсә булган.^[2]

2002 елда авылда 1341 (99% татарлар),^[4] 2010 елда 1128 кеше яшәгән.^[5]

• Ф. М. Әхмәтвәлиев — генерал‑майор.
• Минсәгыйть Вәлиуллин — мактаулы нефтьче.

Бүгенге көндә Денискино авылында ике мәчет эшли. XX гасыр башында исә 4 мәчет һәм мәдрәсә эшләп килгән.^[2][6]

1910-елларда төзелгән мәчет бүгенгә кадәр хезмәт күрсәтә. Аның ишекләре советлар чорында да ябылмаган.^[6]

Хәзерге вакытта авылда «Тамчы», «Чишмә», «Чулпан» (халык исемен йөртә) фольклор ансамбльләре һәм «Мизгел» балалар ансамбле эшли. Ел сан Сабан туе үткәрелә.^[2]

2010 елда авыл мәктәбенең бер кабинетында ислам музее ачыла.^[6]

Денискино авылында урта мәктәп эшли, татар теле предмет буларак укытыла.^[2]