Рәфкать Кантюков
Рәфкать Габделхәй улы Кантюков (рус. Рафкат Абдулхаевич Кантюков; 23 август 1953, Кантүк, Башкорт Автономияле Совет Социалистик Республикасы) — «Газпром трансгаз Казан» ҖЧҖнең элеккеге генераль директоры (1998—2019), 2004 елдан «Зенит-Казан» волейбол клубы президенты. Техник фәннәр кандидаты[1][2].
Тормыш юлы
Белеме һәм сәнәгатьтә эшләве
1953 елның 23 августында Башкорт АССРның Стәрлетамак районы Кантүк авылында туган[2].
1979 елда «автомобильләргә техник хезмәт күрсәтү һәм аларны ремонтлау» белгечлеге буенча Салават индустриаль техникумын, 1986 елда «Химия-технология процессларын автоматлаштыру һәм комплекслы механикалаштыру» белгечлеге буенча Уфа нефть институтын тәмамлый. 2001 елда «Эшлекле идарә итү мастеры» программасы буенча Санкт-Петербург халыкара менеджмент институтын бетерә[2].
1999 елда техник фәннәр кандидаты гыйльми дәрәҗәсенә диссертация яклый[3][4].
1970—1973 елларда Салават ремонт-механика заводында токарь булып эшли, 1973—1982 елларда — машина йөртүче. 1983—1989 елларда «Салаватнефтеоргсинтез» берләшмәсенең цех башлыгы урынбасары вазифасын били, 1989—1998 елларда «Ямбурггаздобыча» предприятиесенең бүлек башлыгы булып эшли[2].
1998—2019 елларда «Газпром трансгаз Казан» ҖЧҖ генераль директоры була. 2019—2020 елларда әлеге компаниянең генераль директоры киңәшчесе вазифасын башкара. 2020—2023 елларда «Казаньоргсинтез» ГАҖнең инфраструктура һәм чимал проектлары буенча баш консультанты була. 2020 елдан Татарстан Республикасы Рәисенең штаттан тыш киңәшчесе һәм «Түбән Кама Нефтехим» ГАҖ директорлар советы әгъзасы булып тора[1].
Сәяси һәм иҗтимагый эшчәнлеге
Кантюков икенче, өченче, дүртенче һәм бишенче чакырылыш Татарстан Республикасы Дәүләт Советы депутаты итеп сайлана. 2008—2019 елларда Татарстан Республикасы Дәүләт Советы президиумы составына керә[1][5].
«Зенит-Казан» волейбол клубы
2004 елдан Кантюков Казан волейбол клубы президенты булып тора. Клуб башта «Динамо-Таттрансгаз» исеме астында чыгыш ясый, ә 2008 елда «Зенит-Казан» дип үзгәртелә[1][6][7].
Кантюков җитәкчелегендә 2009 елдан 2023 елга кадәрге чорда команда Россия чемпионатында 8 җиңү яулый һәм 4 тапкыр Чемпионнар лигасында җиңә[8]. 2024/25 һәм 2025/26 сезоннарында «Зенит-Казан» алтын медаль яулый һәм Суперлига финалына кадәр барып җитә, шулай ук Россия Кубогында ике тапкыр җиңү яулый[9].
Меценатлык эшчәнлеге
2000—2008 елларда Кантюковның финанс ярдәме белән Кантүк авылында аның әнисе истәлегенә аталган «Суфия» мәчете төзелә. Мәчетне ачу тантанасы 2008 елның 22 августында уза[10].
2007 елда, «Таттрансгаз» ҖЧҖ җитәкчесе буларак, Кантюков Казанда балалар өчен акча җыюга юнәлдерелгән хәйрия балын оештыручыларның берсе була, шулай ук сәләтле һәм ярдәмгә мохтаҗ балаларга ярдәм итү буенча компания программасын гамәлгә ашыруда катнаша[11].
Үзенең туган авылы Кантүкне төзекләндерүдә финанс ярдәме күрсәтә, ә 2023 елда авыл турында тарихи-туган якны өйрәнү китабын бастырып чыгару инициаторы һәм иганәчесе була[12][13].
Бүләкләре һәм мактаулы исемнәре
- Газ сәнәгатенең мактаулы хезмәткәре (2003)[2];
- Россия Федерациясе ягулык-энергетика комплексының мактаулы хезмәткәре (2003)[2];
- «Казанның 1000 еллыгы истәлегенә» медале (2005)[2];
- «Фидакарь хезмәт өчен» медале (2005)[2];
- Россия Федерациясенең атказанган нефть һәм газ сәнәгате хезмәткәре (2006)[5];
- «Татарстан нефтен өч миллиард тонна чыгару уңаеннан» медале (2010)[2];
- «Дуслык» ордены (2011)[5];
- Татарстан Республикасының фән һәм техника өлкәсендәге Дәүләт премиясе лауреаты — (2012)[5];
- «Татарстан Республикасы алдындагы казанышлар өчен» ордены (2013)[2];
- Казанның мактаулы гражданины (2013)[5];
- Почёт ордены (2018) — нефть һәм газ сәнәгате өлкәсендәге казанышлары һәм күпьеллык намуслы хезмәте өчен[14];
- Татарстан Республикасы Дәүләт Советының «Парламентаризмны үстерүгә керткән өлеш өчен» мактау билгесе (2019)[15];
- «Татарстан Республикасы алдындагы казанышлар өчен» ордены медале (2023)[16];
- II дәрәҗә «Ватан алдындагы казанышлары өчен» ордены медале (2023) — физик культура һәм спортны үстерүгә керткән өлеше һәм күпьеллык намуслы хезмәте өчен[17].
Искәрмәләр
- ↑ 1 2 3 4 Рафкат Абдулхаевич Кантюков. ВК «Зенит-Казань». Мөрәҗәгать итү датасы: 31 июль 2026.
- ↑ 1 2 3 4 5 6 7 8 9 10 Кантюков Рафкат Абдулхаевич. Реальное время. Мөрәҗәгать итү датасы: 1 июль 2026.
- ↑ Разработка и исследование методов и средств повышения эффективности работы газоперекачивающих агрегатов с центробежными нагнетателями. Российская национальная электронная библиотека (1999). Мөрәҗәгать итү датасы: 31 июль 2026.
- ↑ Разработка и исследование методов и средств повышения эффективности работы газоперекачивающих агрегатов с центробежными нагнетателями. Российская государственная библиотека (1999). Мөрәҗәгать итү датасы: 31 июль 2026.
- ↑ 1 2 3 4 5 Кантюков Рафкат Абдулхаевич. Государственный Совет Республики Татарстан. Мөрәҗәгать итү датасы: 1 июль 2026.
- ↑ «Динамо-ТТГ» стало «Зенитом». Sportbox.ru (3 июль 2008). Мөрәҗәгать итү датасы: 1 июль 2026. Архивировано 6 декабрь 2008 года.
- ↑ Руководство. Официальный сайт ВК «Зенит-Казань». Мөрәҗәгать итү датасы: 31 июль 2026.
- ↑ ВК «Зенит-Казань»: история, статистика, трофеи, команда. Metaratings. Мөрәҗәгать итү датасы: 31 июль 2026.
- ↑ Волейбольный клуб «Зенит-Казань». Sportbox.ru. Мөрәҗәгать итү датасы: 31 июль 2026.
- ↑ Фәрит Фаткуллин. Кантюковканы Кантюковлар яшәтә һәм яшәртә. Кызыл таң (12 сентябрь 2017). Мөрәҗәгать итү датасы: 1 июль 2026. Архивировано из оригинала 12 февраль 2019 года.
- ↑ Благодаря продаже билетов на Бал благотворительности на нужды детей собрано более 7 млн рублей. Татар-информ. Мөрәҗәгать итү датасы: 31 июль 2026.
- ↑ От щедрого сердца родной земле. Панорама РБ (30 июль 2024). Мөрәҗәгать итү датасы: 31 июль 2026.
- ↑ В селе Мурдашево презентовали книгу о Кантюковке. Сельские нивы (16 февраль 2024). Мөрәҗәгать итү датасы: 31 июль 2026.
- ↑ Указ Президента Российской Федерации от 11 июля 2018 года № 414 «О награждении государственными наградами Российской Федерации». docs.cntd.ru. Мөрәҗәгать итү датасы: 1 июль 2026.
- ↑ О награждении Р. А. Кантюкова почетным знаком Государственного Совета Республики Татарстан «За вклад в развитие парламентаризма» [неопр.]. gossov.tatarstan.ru (18 июнь 2019). Мөрәҗәгать итү датасы: 7 сентябрь 2026.
- ↑ Рафкат Кантюков получил орден «За заслуги перед Татарстаном». Реальное время (24 август 2023). Мөрәҗәгать итү датасы: 1 июль 2026.
- ↑ Указ Президента Российской Федерации от 8 ноября 2023 года № 825 «О награждении государственными наградами Российской Федерации». ГАРАНТ. Мөрәҗәгать итү датасы: 1 июль 2026.
Әдәбият
- Фәрит Фаткуллин. Кантюковканы Кантюковлар яшәтә һәм яшәртә [тат.] // Кызыл таң. — 2017. — 12 сентябрь. Архивировано 12 февраль 2019 года.
Сылтамалар
- Рафкат Абдулхаевич Кантюков // ВК «Зенит-Казань»
- Биографическая справка // Реальное время
- Архивная страница депутата Государственного Совета Республики Татарстан
Тема буенча өстәмә
Библиографик каталогларда |
|
|---|
2004—2013 елларда Татарстан Республикасының Фән һәм техника өлкәсендәге дәүләт бүләге лауреатлары | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| 2004 ел |
| ||||||||||||||||||
| 2005 ел |
| ||||||||||||||||||
| 2006 ел |
| ||||||||||||||||||
| 2007 ел |
| ||||||||||||||||||
| 2008 ел |
| ||||||||||||||||||
| 2009 ел |
| ||||||||||||||||||
| 2010 ел |
| ||||||||||||||||||
| 2011 ел |
| ||||||||||||||||||
| 2012 ел |
| ||||||||||||||||||
| 2013 ел |
| ||||||||||||||||||
Калыплар: 1994-2003 • 2004-2013 • 2014-2023 • 2024-2033 / Татарстан премияләре һәм лауреатлары / Татарстан дәүләт бүләкләре | |||||||||||||||||||
