Рәис Миңнеханов

Рәис Миңнеханов
Саба муниципаль районы башлыгы
Туган	8 июнь 1961(1961-06-08) (64 яшь) СССР, РСФСР, ТАССР, Саба районы, Борчаклы Яз
Әти	Нургали Миңнехан улы (1930―2001)
Белем	Идел буе дәүләт технология университеты[d]

Рәис Нургали улы Миңнеханов (рус. Минниханов Раис Нургалиевич, 1961 елның 8 июне) — Саба муниципаль районы башлыгы (1999 елдан), Россия Федерациясенең атказанган мәгариф хезмәткәре (1995), Татарстан Республикасының атказанган урманчысы (1997).

Тәрҗемәи хәле

Татарстан Автономияле Совет Социалистик Республикасының Теләче районы (1959—1991 елларда Саба районы) Борчаклы Яз авылында туа.

1983 елда «Урман хуҗалыгы инженеры» белгечлеге буенча Идел буе дәүләт технология университетын (Йошкар-Ола шәһәре) тәмамлый.

2002 елда авыл хуҗалыгы фәннәре кандидаты гыйльми дәрәҗәсенә диссертация яклый.

Хезмәт юлы

1978 — Саба урман хуҗалыгы эшчесе.

1983-1984 — Саба шәхси ярдәмче хуҗалыгының агач әзерләү остасы.

1984 — Саба шәхси ярдәмче хуҗалыгының Сабабаш урманчылыгы урманчысы ярдәмчесе.

1984-1985 — Кукмара районы Лубиян тәҗрибә урман кисү-агач эшкәртү заводы директоры.

1985-1986 —Саба урман хуҗалыгының Лубиян урман пункты башлыгы.

1986—Саба шәхси ярдәмче хуҗалыгының матди-техник тәэминат бүлеге башлыгы.

1986—1990 — Мишәбаш урманчылыгы урманчысы.

1990—1999 — Татарстан Республикасы Урман хуҗалыгы министрлыгының Саба урман хуҗалыгы (рус. лесхоз) директоры.

1999—2005 — Саба районы администрациясе башлыгы, халык депутатларының район Советы рәисе.

2006 елдан бүгенге көнгә кадәр Саба муниципаль районы башлыгы, Саба муниципаль районы Советы рәисе.

Иҗтимагый эшчәнлеге

2 нче Саба сайлау округы депутаты.

Саба муниципаль районы Советы депутаты.

«Бердәм Россия» Бөтенроссия сәяси партиясе әгъзасы.

Бүләкләре, мактаулы исемнәре

• «Россия Федерациясе халык мәгарифе отличнигы» исеменә лаек була.
• 1995 — Татарстан Республикасының атказанган урманчысы.
• 2002 — Татарстан Республикасының Мактау грамотасы.
• 2003 — Татарстан Республикасының Фән һәм техника өлкәсендә дәүләт бүләге лауреаты.
• 2003 — «Казанның 1000 еллыгы истәлегенә» медале.
• 2005 — халыкара бүләк — «Милосердие» (Mersi) алтын медале.
• 2009 — II дәрәҗә «Ватан алдындагы казанышлар өчен» ордены медале.

Искәрмәләр

Чыганаклар

1. Татарский энциклопедический словарь. Казань: Институт татарской энциклопедии АН РТ, 1999. ISBN 0-9530650-3-0

Сылтамалар

• TatCenter.ru интернет-порталы (ТР эшлекле үзәге) 2016 елның 31 июль көнендә архивланган.
• Саба районы рәсми сайты 2024 елның 8 август көнендә архивланган.