Мәктәпкәчә белем һәм тәрбия бирү хезмәткәрләре көне

2004 елның 27 сентябрендә бөтен Россия педагогик басмалары («Детский сад со всех сторон» һәм «Мәктәпкәчә белем» газеталары, «Обруч» журналы) тәкъдиме белән кабул ителә. Әлеге тәкъдимне күпчелек мәктәпкәчә белем бирү программалары авторлары, балалар бакчалары укытучылары һәм күп ата-аналар хуплый.

Бәйрәмнең идеясы — җәмгыятькә балалар бакчасына һәм, гомумән, мәктәпкәчә яшьтәге балаларга күбрәк игътибар бирергә ярдәм итү.

Бу көн иҗтимагый, халык бәйрәме буларак барлыкка килә, соңрак 27 сентябрьдә Россия Федерациясенең барлык төбәкләрендә билгеләп үтелә, рәсми рәвештә бәйрәм ителә^[1][2].

Бәйрәм датасы Санкт-Петербургта беренче балалар бакчасы ачылу хөрмәтенә куела. 1863 елның көзендә балалар бакчасын Васильевский утравында профессор Люгебильның хатыны София Люгебиль ача.

• Еш кына Россиядә беренче балалар бакчасы Аделаида Симонович тарафыннан ачылган дип раслана. Бу чынбарлыкка туры килми, ханым чыннан да XIX гасырның 2 нче яртысында Россиянең мәктәпкәчә белем бирүнең иң зур эшлеклесе була, әмма аның балалар бакчасы 1866 елда ачыла.
• София Люгебильның балалар бакчасы бүгенге Россия территориясендә мәктәпкәчә яшьтәге балалар өчен беренче учреждение, Россия империясе территориясендә беренче балалар бакчасы 1859 елда Гельсингфорста ачыла^[3].
• 2003 елның көзендә Санкт-Петербургта шәһәрдәге беренче балалар бакчасының 140 еллыгы уңаеннан Тәрбиячеләр көнен бәйрәм ителә. Шушы чарадан соң илнең барлык төбәкләренә бәйрәмне гомуммилли итү тәкъдиме белән хат таратыла.
• 2008 елда Мәскәү социология көллияте һәм берничә газета Россиянең ун төбәгендә социологик тикшеренү уздыра. Балалар бакчалары тәрбиячеләренә — «Сез календарьга мәктәпкәчә яшьтәге балалар тәрбиячеләре өчен һөнәри бәйрәм көнен кертергә кирәк дип саныйсызмы?» — дигән сорау бирелә. Тәрбиячеләрнең 81,6 % бу бәйрәмне булдыруны хуплый. Башка өлкә хезмәткәрләренә дә сораштыруда катнашырга тәкъдим ителә, күпчелек (66,7 %) бу һөнәри бәйрәмне булдыру ягында^[4].