Халыкара дөньядагы асаба халыклар көне
| Халыкара дөньядагы асаба халыклар көне | |
|---|---|
 |
|
| Рәсми исем | International Day of the World’s Indigenous |
| Кабул ителгән | 1994 ел |
| Үткәрелү көне | 9 август |
| Оештырган | БМО Генераль ассамблеясе |
Халыкара дөньядагы асаба халыклар көне ингл. International Day of the World’s Indigenous, исп. Día International de las Poblaciones Indígenas, фр. la Journée internationale des populations autochtones,, гар. اليوم الدولي للشعوب الأصلية في العالم, кытай. 世界土著人民国际日, рус. Международный день коренных народов мира) — һәр ел 9 августта билгеләнә торган халыкара бәйрәм көне.
Тарихы
1994 елда БМО Генераль Ассамблеясе тарафыннан кабул ителгән резолюция (резолюция № 49/214, 23 декабрь) нигезендә, асаба халыклар буенча эшче төркемнең беренче утырышы көне бәйрәм датасы итеп билгеләнә.
2004 елның 20 декабрендәге 59/174 номерлы резолюциядә Генераль ассамблея, Дөньядагы асаба халыкларның икенче халыкара унъеллыгын игълан итеп, «Гамәлләр һәм абруйлар унъеллыгы» шигаре астында икенче унъеллык дәвамында Халыкара асаба халыклар көнен билгеләүне дәвам итәргә карар кыла. Ассамблея БМО Генераль секретареннән ил хөкүмәтләрен бу көнне милли дәрәҗәдә билгеләп үтәргә чакыруын сорый.
2009 елның 22 сентябрендә БМО Секретариаты әлеге Халыкара көнгә багышлап махсус почта маркалары чыгара [1].
2005 елгы юлламасында БМО Генераль секретаре вәгъдә бирергә чакырып:
...Бөтен җирдә асаба халыкларга теләктәшлек даирәсен киңәйтергә һәм алар белән берлектә, кеше хокуклары ихтирам ителгән, тынычлык һәм куркынычсызлык шартларында, үсеш мөмкинлекләрен тәэмин итү юнәлешендә эшләргә. Чөнки аларның күбесе һәм озак вакыт аралыгында болардан мәхрүм иде, - ди.
Көн темасы
- 2022-2032 — «Дөньядагы асаба халыкларның телләренә багышланган унъеллык»;
- 2021 — «Беркемне дә артта калдырмаска: асаба халыклар һәм яңа иҗтимагый килешүгә чакыру»;
- 2020 — «COVID-19 һәм асаба халыкларның ныклыгы»;
- 2019 — «Асаба халыкларның телләре»;
- 2018 — «Миграция һәм асаба халыклар күчеше»;
- 2017 — «БМОның асаба халыклар хокуклары турындагы Декларациясенә 10 ел»;
- 2016 — «Асаба халыкларның белем алуга хокукы»;
- 2015 — «2015 елдан соңгы чорга көн тәртибе: асаба халыкларның сәламәтлеген һәм яхшы тормышын тәэмин итү»;
- 2014 — «Аерманы җиңеп чыгу: асаба халыкларның хокукларын тормышка ашыру»;
- 2013 — «Асаба халыкларның альянсын булдыру: шартнамә, килешү һәм башка конструктив килешмәләрнең кагыйдәнамәсен саклау»;
- 2012 — «Асаба халыклар кулында һәм аларга хезмәттә массакүләм мәгълүмат чаралары»;
- 2011 — «Асаба халыклар иҗаты: достойная оценка риваятьләрне һәм мәдәниятне тиешле дәрәҗәдә бәяләү, үз киләчәгебезне булдыру»;
- 2010 — «Асаба халык вәкилләре булган кино эшлеклеләре»[2];
- 2009 — «Асаба халыклар һәм ВИЧ/СПИД»;
- 2008 — «Дәүләтләр һәм асаба халыклар арасында татулык һәм партнерлык»;
- 2007 — «Асаба халыкларның телләрен саклау зарурлыгы»;
- 2006 — «Альянс гамәлләр һәм абруй яклы»;
- 2005 — «Асаба халыклар эше - безнең эш»;
- 2004 — «Дөньядагы асаба халыкларның халыкара унъеллыгы».
Искәрмәләр
- ↑ Выпуск марок в 2009г. Дата обращения: 10 ноябрь 2015. Архивировано 14 май 2015 года.
- ↑ Из послания Генерального секретаря ООН [[Пан Ги Мун]]а по случаю Дня. Дата обращения: 9 август 2010. Архивировано 26 апрель 2011 года.